Mikel Aranbururen sardina sinbolikoak
Donostiako Udalak, Zero Plastik kanpaina amaitzeko, Mikel Aranbururen Sardinak eman ditu, zaindu beharreko itsasoaren ikur gisa, eta lagundu duten erakundeak saritu ditu.
Hain zuzen ere, « Metal birziklatua, guztiz jasangarria eta KM 0 » lanarekin lagundu duten erakundeak saritu ditu. Honakinetatik abiatuta eta ingurumena errespetatuz egina ». Hori da Mikel Aranbururen leloa.
Itsasoan inspiratutako bere lan guztiek helburu berdin bat dute: ingurumenean dugun eraginaz kontzientziatzea, errespetuz jokatu behar dela ohartaraztea. Hondakinak eta plastikoak saihestu behar dira. « Itsasoan bizia egotea gure esku dago soilik ».
Osoko Bilkuren Aretoan emango zaie ekimena 2021eko ekainean aktiboki parte hartu duten erakunde, hotel, denda eta ikastetxeei.
Donostiako Udaleko Ekologia Zinegotzigoak bultzatutako kanpainaren helburua plastikozko ontziaren gehiegizko erabilerari aurre egitea da.
Helburu hori etorkizuneko erronka gisa bilatzen jarraituko da, izan ere, ekimena plastikoa geldiarazteko sortu da Klima DSS2050 Ekintza Planaren esparruan.
Plastikoa ingurumenari eta klima-aldaketaren bizkortzeari kalte gehien egiten dion materialetako bat da. Aspaldidanik, nazioarteko hainbat erakunde haren erabilera geldiarazten saiatzen ari dira. Are gehiago, Europan badago plastikozko objektu batzuk erabiltzea debekatzen duen legedi bat. Ohikoenak, mahai-tresnak, lastotxoak edo makilatxoak, eta hondakinen kudeaketari eta birziklatzeari buruzko erregulazioak.
Klima DSS2050 Ekintza Planaren barruan, 2025erako « plastikorik gabeko hiria » izateko konpromezua hartu zuen Donostiak. Garmendiak azaldu duenez, helburu horrek « Donostiako herritarrak inplikatzea eta plastikozko ontzi eta poltsen gehiegizko erabilera murrizteko beharraz kontzientziatzea eskatzen du. Askotan, bide publikoan edo hondartzetan uzten dira, eta, ondorioz, itsasoa kutsatzen da. Horrek kate trofikoari kalte egiten dio, eta horrek itsas ekosistemei, kostaldeko zona turistikoen ekonomiari eta pertsonen osasunari kalte egiten die ».
Zero Plastik ekimenak honako helburu hauek lortu nahi ditu, epe ertain-luzera eta modu iraunkorrean:
Ontzien erabilera % 17 murriztea eta ontzien eta erabilera bakarreko plastikozko produktuen erabilera arduratsua sustatzea.
Plastikozko ontzien hondakinen gaikako bilketa % 55 handitzea.
Ingurumenean hondakin plastikoak ahalik eta gehien murriztea.
Ezinbestekoak ez diren erabilera bakarreko plastikoak udal eraikin eta bulegoetatik kentzea.
Udal-eraikin eta -bulegoetan biodegradagarriak ez diren plastiko guztiak ordeztea, aldaketa horrek ingurumen-abantaila dakarren aplikazioetan.
Ekaina « plastikorik gabeko hilabetea » izan da Donostian
Donostiaren konpromisoa erakusteko eta hiri jasangarriagoa lortzeko, ekimen ugari garatu dira ekain osoan, 17 hotelen eta apartamentu turistikoen kudeatzaileen, hiriko supermerkatuen kate nagusien, Donostia Shopsen, kirol-kluben, Behobia-Donostia, Maratoia edo Donosti-Cup, Donostia Festak, Zinemaldia eta Musika Hamabostaldia bezalako ekitaldien inplikazioarekin.
Parte-hartze handiena izan duten jardueretako batzuk izan dira, besteak beste, Urumea ibaia Arrauning eta ikastetxeekin garbitzeko lanak antolatzea edo boluntarioek Ulia eta Saguesen garbiketak egitea. Gainera, plastikoen kontsumoa murrizteko, tupperrak banatu dira arrandegietan, eta ontzi berrerabilgarriak ezarri dira Santa Klara uharteko eta Ondarretako tabernetan, erabiltzaileek txorrotetan bete ditzaten eta dirua berreskura dezaten ontzia itzultzean.
Bestalde, Emaus Fundazioaren laguntzarekin « bisigu erraldoi » bat sortu da. Arrain itxurako egitura da, eta bertara botatzen dira plastikozko ontziak, bai botatzen direnak, bai itsasoak hondartzaraino eramaten dituenak. Hondakin horiek itsasoei eta bertan bizi diren izaki bizidunei ere kalte egiten dietela dioen alegoria.
Zero Plastik Hotelak
Helburu komun horrekin bat egin du Donostiako hotelen eta ostatu turistikoen sektoreak ere, ‘Hoteles Zero Plastik’ proiektua abian jarriz. Zero Plastik Adierazpena sinatu dute. Adierazpen horretan konpromisoa hartu dute beren hoteletan erabilera bakarreko plastikozko ontzien neurrigabeko erabilera prebenitzeko eta beren enpresetan ezinbestean erabiltzen direnak eraginkortasunez kudeatzeko.
Turismo Iraunkorreko zinegotzi Cristina Lagék adierazi bezala, « Turismoaren sektoreak BPGren % 15 sortzen du Donostian. Gainera, hazten ari den sektorea da, pandemiak eragindako geldialdia gorabehera. Hazkunde horrek ingurumena errespetatzen duten neurri iraunkorren eskutik joan behar du. Horrek ezaugarri bereizgarri bat eman diezaioke hiriari, sektoreari kalitatea eta modernitate-irudia emanez ».
Parte hartu duten ostatu guztiei sentsibilizazio-materialak eman zaizkie, bai langileei bai bezeroei zuzenduta. Era berean, hondakinen arloko diagnostiko bat lortzeko aukera dute, hobetu beharreko arloak identifikatu eta jardunbide egokien plangintza egin ahal izateko. Praktika horiek kudeaketa globalean, kontsumo arduratsuan, hondakinen prebentzioan, gaikako bilketan eta prestakuntzan, informazioan eta sentsibilizazioan zehazten dira. Proposatutako neurri horiek guztiak azken aldian onartzen ari den Europako eta Estatuko legedira egokituta egongo dira.
Kanpainako kartela Rubén Rolo Ceinpro akademiako ikasleak diseinatu du.
Zero Plastik ‘kanpaina guztia posible izan da erakunde ezberdinen lankidetzari esker. Eta, jakina, ekimen guztietan parte hartu duten herritarrei. Gainera, kanpainaren kartela eta logotipoa egiteko Ceinpro akademiaren laguntza jaso da. Ruben Rolo ikasleak irabazi zuen Udalak antolatutako eta Ekotradek eta Banco Sabadellek babestutako lehiaketan.